He wahi leo mahalo iā ʻoukou no ka hoihoi o kaʻu hana pāheona. Inā ua kūʻai paha a nānā wale paha i kaʻu hana, he nui nō koʻu mahalo iā ʻoukou pākahi a pau. ʻO au iho nō ʻo Lilia Poliahu Kapapakuialiʻi Lorenzo a ʻo au nō hoʻi ka mea pāheona o kēia wahi ʻōpū weuweu nei ʻo Lilia Poliahu Studio. Inā hoihoi, eia mai kekahi mau mea pili iaʻu.

No hea mai ʻoe?

No Maui mai au! (yah Maui) ʻOiai, ua hānau ʻia au ma Oʻahu, aia nō au ma Maui no ka hapanui o koʻu ola mai koʻu wā liʻiliʻi a i koʻu wā hele kula kiʻekiʻe a hoʻi pinepine au a hiki i kēia lā.

ʻO ke kula hea ʻoe i hele ai? (He nīnau ʻano nui kēia)

Mai ke ahupuaʻa mai ʻo ʻAʻapueo, ʻo ia nō ʻo KAMEHAMEHA MAUI! A laila ua hoʻi i koʻu ʻāina i hānau ʻia ai a hele i ke kula nui ʻo Hawaiʻi ma Mānoa. Ma laila ua loaʻa iaʻu i ʻelua kekele laepua, ʻo ka ʻIke Hawaiʻi a me ka ʻŌlelo Hawaiʻi.

ʻoia wale nō no ka manawa, e hoʻi mai koe:)